睇iPad一般我哋有8大點係最需要留意嘅。第一就係螢幕size同像素，始終iPad最緊要都係個mon，用嚟睇嘅就要細心揀， 最緊要自己覺得mon夠大夠清。第二樣嘢應該係重量，揀iPad多數就係因為佢比起macbook laptop輕，帶出街當電腦用好方便，如果iPad好重，帶出街都麻煩啦。
第三樣就係CPU。唔係個個都識電腦，唔知咩係CPU冇問題，聽我解釋，其實就係Central Processing Unit中央處理器，簡單啲講其實就係成部嘢嘅心臟，處理所有指令嘅core部分，越新嘅CPU就會執行指令執行得快啲，簡單啲嚟講就係電腦嘅嘢執行得快啲。第四樣就係佢嘅容量，一般依家嘅iPad都係64GB或者以上。第五就係佢自己有冇data，即係你要連Wi-Fi先用到，定係可以自己用data上網。第六就係相機嘅像素，以前iPad相機像素真係低到你用都唔會用，依家大部分都坐底800萬像素。
第七就係iPad嘅兩位最佳拍檔Apple Pencil 同 magic keyboard，因為唔同iPad兼容嘅 Apple pencil同magic keyboard model都唔同！第八可能你覺得好膚淺，但係我覺得好重要嘅就係iPad有得揀嘅顏色！部iPad顏色靚真係望落都pro啲！講完呢8大點，我哋就按住呢8大點嚟講下依家所有Apple store賣緊嘅iPad model啦！
iPad
咁我哋就由最基本最basic嘅iPad講喇。iPad依家已經出到第九代，螢幕size係10.2吋 Retina螢幕。相信大家都唔知 Retina螢幕即係點，其實就係depends on佢顯示嘅嘢嘅像素密度，正常密度越高，個mon顯示就會越清。而呢部iPad就有 264ppi，所以稱之為 Retina螢幕。呢部iPad重498g，唔算好輕但又唔算太重。CPU係A13晶片。容量有得揀64GB同256GB，有淨Wi-Fi版或者可以加埋data。不過iPad主相機就麻麻哋，得800萬像素，前置相機就有1200萬像素。至於Apple Pencil，呢個型號嘅iPad就淨係支援第一代嘅Apple Pencil同普通智慧型keyboard。
話明係最基本款嘅iPad，佢嘅定價係最平嘅，64GB Wi-Fi版只需要$2599，如果大啲容量或者要wifi版就加$1000到，如果兩樣都要晒就加$2000！
iPad mini
好，咁下一款就講標榜輕巧！細！方便！嘅iPad mini！依家嘅iPad mini出到第6代，螢幕size就只有8.3吋Liquid Retina，咁今次多左Liquid呢個字姐係咩呢？其實即係ppi高咗，呢部iPad mini有326ppi，就比Apple定義為Liquid Retina。iPad mini細部啲固然就輕啲，重量只有297g。但驚喜嘅係iPad mini嘅CPU比iPad更快，係A15晶片。容量一樣有得揀64GB同256GB，Wi-Fi版同加data版。相機主鏡頭同前置鏡頭都有1200萬像素，iPad mini呢個鏡頭質素好過iPad㗎！至於Apple pencil，佢支援第二代嘅Apple pencil！順便話埋比大家知兩代Apple pencil有咩分別，最大分別其實就係第二代有得直接磁吸係iPad側邊叉電，但係第一代就冇得咁，要另外插線叉或者插係iPad個叉電窿度叉電。不過佢就冇得連接keyboard用。
iPad Air
頭先嗰部標榜輕巧，呢部聽個名仲輕巧啲，就係iPad Air。依家iPad Air出到第五代，就係啱啱最新最新出嘅iPad Air。咩都唔好講住，講左佢出嘅色，真係好靚！一共有5個色，太空灰、星光即係類似白白金金咁、粉紅、紫色同藍色。螢幕size 10.9吋，大過基本iPad啲啲，同iPad Mini一樣都係用Liquid Retina，不過就264ppi。iPad air輕就一定架啦，462g，不過都係輕基本iPad少少。講到iPad air嘅超大賣點，亦都係我哋一開始講嘅m1晶片，其實就係佢嘅cpu。如果仲係唔明m1 cpu有幾勁，其實你當佢可以媲美到電腦處理器咁。容量就一樣都係64同256GB，有Wi-Fi版同加data版。相機主鏡頭同前置鏡頭都有1200萬像素。至於Apple pencil同keyboard，佢今次可以支援到第二代Apple pencil之外，仲可以支援普通智慧型鍵盤同精妙鍵盤。係時候又順便解釋下究竟兩者有咩分別，其實價值$1399智慧型鍵盤就係用磁吸就咁貼落iPad底就可以棟企係度連埋keyboard同埋有2個角度可以調教。而精妙鍵盤就多左touch pad，一樣都係用磁吸貼落iPad度，但係今次就可以懸浮，ipad嘅角度就可以任意調教。不過精妙鍵盤價值$2299我就真係覺得有啲誇張囉。
身為最新型號，價錢其實算係性價比極高，比起ipad mini都只係貴8舊水就可以有m1猶如MacBook嘅規格！64GB Wi-Fi版需要$4799，之後一樣如果大啲容量或者要wifi版就加千二倒，如果兩樣都要晒就加二千四！
iPad Pro
好，嚟到最後嘅iPad pro，就即管睇下有幾pro！佢有兩個size，分別係11吋同12.9吋，11吋嗰個係Liquid Retina，而12.9吋係Liquid Retina XDR，其實就係比普通Liquid Retina更加清晰。重量因為pro啲就冇辦法一定係重啲，一個466g、一個682g。而Pro嘅CPU當然一樣係非常優秀嘅m1晶片啦。而呢部嘅容量就相對多啲選擇，最細係128gb，跟住就256、512gb、仲有再大啲嘅1或者2tb，當然一樣都有Wi-Fi版同加data版。相機今次有雙鏡頭，分別係1200萬像素嘅廣角同1000萬像素嘅超廣角鏡頭，前置鏡頭就都同之前個啲一樣係1200萬像素。最高級嘅spec就梗係配備最高級嘅配件，當然就支援apple pencil第二代，普通智慧型鍵盤同精妙鍵盤都當然支援。
規格媲美到MacBook，價錢又係咪媲美到呢？由於容量選擇太多，我就一次過list晒比大家睇，不過基本上最低$6399就可以入手！時間關係已經幫大家計埋，如果當電腦用，配備埋apple pencil同智慧型鍵盤，$8797就可以有齊所有嘢，如果唔需要咁大容量其實8797真係抵玩！
____
智能家居系列：https://www.youtube.com/watch?v=tjpbv1CUiYk&list=PLX2vP5KALPjs1p3uAoS5tfbK7G_sRFe9Q
Android TV 教室：https://www.youtube.com/watch?v=tjpbv1CUiYk&list=PLX2vP5KALPjs1p3uAoS5tfbK7G_sRFe9Q
iPhone 教室：https://www.youtube.com/watch?v=tjpbv1CUiYk&list=PLX2vP5KALPjs1p3uAoS5tfbK7G_sRFe9Q
IP Camera 橫評系列：https://www.youtube.com/watch?v=ijiMyqNBtVs&list=PLX2vP5KALPjtSq8paNkmzkswVSizgxQOQ
產品橫評：https://www.youtube.com/watch?v=ijiMyqNBtVs&list=PLX2vP5KALPjtSq8paNkmzkswVSizgxQOQ
選購指南：https://www.youtube.com/watch?v=ES12ZAQuviU&list=PLX2vP5KALPjtb6ZY5O6UXJLwOLs2azWce
____
追蹤 AD研究所 即時動態⬇︎
YouTube ☛ https://buy.audiencedigest.info/youtube
Instagram ☛ https://instagr.am/audiencedigest
Facebook ☛ https://fb.me/audiencedigest/
____
橫評系列都係自費，連贊助產品都唔接受，所以橫評後產品都會賣出來幫補家計，入來望下睇下啦喂！
橫評系列：https://buy.audiencedigest.info/review
樣品發售：https://buy.audiencedigest.info/sample
____
主持：Jace
撰稿：Terry & CLONG
拍攝：士巴拿
剪接：士巴拿
____
#AD蘋果產品系列 #iPad
#買前必睇 #iPad #iPadAir #iPadPro #iPadmini #廣東話 #產品比較
#AD選購指南 #買前必看 #懶人包
0:00 iPad 簡介
1:14 iPad 選購八大要點
2:59 iPad
3:57 iPad Mini
5:11 iPad Air
6:25 iPad Keyboard 及 Magic Keyboard 之別
7:59 iPad Pro
9:43 iPad 使用場景建議
